Ano Ba Talaga Kasi?

Bakit ganun? Napakahirap talagang intindihin ng mga tao dito sa Pilipinas. Ang sabi ng CHR chairman "kahit na gumawa ng kasalanan ang isang tao, dapat hulihin siya ng maayos at huwag sasaktan. Dapat ang mga pulis ay hindi gumagamit ng dahas." 

Kung ikaw ang pulis, may isang tao na gumagawa ng katarantaduhan... 

Halimbawa may nagwawala, may hawak na patalim, binabato yung mga sasakyan at tao na nagdaraan, naghahamon ng away at walang pinapakinggan. Sa palagay mo, makakaya mo kaya siyang hulihin na hindi siya sinasaktan? 

Ito pa ang isa... 

Halimbawa yung nagwawala hindi mahuli ng pulis. Anong iisipin o gagawin ng mga makakakita? Pagtatawanan yung pulis dahil hindi nya mahuli yung nagwawala? O mawawalan ng tiwala sa mga pulis dahil hindi sila kayang ipagtanggol sa mga nagwawala? 

Isa pa nga... 

Nonsense Thought part 1 (Asong Kawawa)

1. Sino ba ang dapat sisihin kung ang isang tao ay nakatapak ng tae ng aso sa kalsada?

-ang amo ba na pinabayaang tumae yung aso sa kalsada at hindi dinakot?
-o ang aso ba na hindi tinuruan kaya nasanay tumae kung san man sya abutan?
-o ang tae ba na walang muwang at nangyayari lang dahil sa kagustuhan ng aso?
-o ang tao ba na hindi tumitingin sa kanyang dinadaanan?

Pero paano naman daw kung askal yung aso? Ibig bang sabihin walang  kasalanan yung amo? Pero paano nga ba nagkakaroon ng askal? Di ba dahil napabayaan o pinabayaan ng pabayang amo?

Sa palagay mo, kung may nagturo kaya sa aso na huwag tumae sa kalsada, hindi na nga kaya sya tatae sa kalsada? Mapipilit nga kaya natin yung aso na huwag tumae sa kalsada o kahit saan mang lugar na siya ay abutan? O kailangan lang ba niya ng amo na magbabantay para kung sakaling abutan sya sa kung saan ay mayroong magdadakot ng tae o kalat niya?

Paano kung busy yung amo sa trabaho kaya hindi nya pwedeng bantayan yung aso? Pwede kayang huwag na lang siyang mag-alaga ng aso kung hindi nya kayang alagaan o bantayan? Bakit nga kaya niya gustong mag-alaga ng aso?

Real Friendship Never Dies

Minsan inaakala natin na yung mga dati nating kaibigan ay hindi na natin kaibigan dahil sa mahabang panahon na kawalan ng komunikasyon at ugnayan. 

Kasi kapag hindi sila nagtetext, hindi sumasama sa mga gimik at minsan kapag parang hindi nila tayo pinapansin, iniisip natin na ayaw na nila tayo maging friend o kaya nakalimutan na nila tayo at pati na rin ang ating mga pinagsamahan (Take note: hindi lang yun basta pinagsamahan, andun na lahat tulad ng kalokohan, kasiyahan, kalungkutan, kulitan, awayan at lahat na ata ng nagtatapos sa "an" pwera lang upuan, haha (korni). Balik tayo sa totoong sasabihin ko.) At hindi lang yun, meron din yang kasamang kwento na mayroong tema na drama, pangspeech, horror, suspense, sex, quotes, fantasy, payabangan ng lolo, action, kasinungalingan, jamingan at syempre lahat ng yan ay with action and conversation ng nagkukwento.) habang take note nyan, haha. 

Ayan na nga. Kaya marahil siguro datapwat (redundant) dala ng pride ganun na rin ang gagawin natin sa kanila. 
Kung ayaw mong magtext, hindi na rin kita itetext. 
Kung ayaw mong sumama sa mga gimik ng barkada, sige hindi ka na rin namin aayain at pipilitin (sigurado may pahabol pa yan "wag ka ngang paimportante"). 
Kung ayaw mong mamansin, hindi na rin kita papansinin. Sabi nga sa kanta ng rivermaya "hindi kita mapipilit, kung ayaw mo huwag mo." 

Ang Daling Magsalita

Ang isa sa mga bagay na madaling gawin dito sa mundo maliban sa mga pipi, ngongo, malapad ang dila, bulol, bungal, may maluwag na pustiso, torpe, mahiyain, walang pakialam, bobo o tanga ay ang magsalita ng magsalita at magsalita at magsalita at magsalita ng magsalita (unli paulit-ulit? Ay hindi, sirang cd, haha).

Ang daling magkomento sa isang bagay o pangyayari lalo na kung hindi ikaw ang nasa ganung sitwasyon at hindi mo alam ang tunay na dahilan ng iyong pinagkokomentuhan (tulad ng ginagawa ko ngayon at gagawin pa, hehe).

Para kang barbero, tambay, may-ari ng tindahan, aktibista, politiko, walang pinag-aralan, utak talangka (buti nga may utak kahit talangka, yung iba nga dyan eh wala talaga as in nganga), spokesperson, anouncer, comentarist, writer, analyst kapag nagbibigay ng komento. "bakeeet?" (Anong baket? Hindi pick up lines to, ulul).

Minsan, matawag lang tayo na prangka, walang takot (weh?), totoong tao (kuno), walang tinatago (kunyari), walang kinikilingan (depende sa offer) ay hindi na tayo nangingiming magbigay ng magbigay ng komento. Wala tayong pakialam kung may masaktan man na ibang tao. Wala tayong pakialam kahit na maging dahilan pa ito ng 
pagbagal ng pag-unlad ng ating bayan. (sabay-sabay nating punitin ang mga sedula.) Wala tayong pakialam kahit sino pa ang ating tapakan at kahit ano pa ang mangyari sa ating kapaligiran. Ang mahalaga lang naman satin dito ay makapagpasikat. Kumbaga sa tv eh, parang showtime. (para sa darating na election eh kilala na agad. Yes, free advertisement kasi kapag mayroon kang isyu, hehe.)

Bobo Daw, Bobo Ba?

Naniniwala ka ba na meron ngang bobong tao? Sa palagay mo kung meron nga, sino naman siya? Malamang ikaw sya. Pero sabi nga wala naman daw talagang bobo at naniniwala naman ako na hindi ka nga bobo. Kasi kung bobo ka eh hindi mo ito mababasa pero hindi naman ibig sabihin na kapag hindi ka marunong magbasa eh bobo ka na. Hindi rin ibig sabihin na kapag hindi ka bobo eh hindi ka na pwedeng maging tanga. Lahat tayo ay may potensyal, hindi ka nag-iisa.

Kapag ako ang tatanungin eh wala talagang taong bobo.(sige, tanungin mo ko.)

ikaw: naniniwala ka bang may taong bobo?
ako: hindi
ikaw: bakit?
ako: anong bakit? Bat mu tinatanong, pick up lines ba yan?
ikaw: ewan ko sayo!

Oha, sabi ko sa inyo eh, wala talagang taong bobo kapag ako ang tinanong nyo, hehe. Balik ulit tayo, kaya kong patunayan na wala talagang taong bobo. Bakit ko to nasabi? Tingnan natin, Anu ba ang tawag sa
bobo? Bakit ba natin sila tinatawag na bobo? Dahil ba tanga siya, mangmang, walang pinag-aralan, walang laman ang utak o mahina ang ulo?

Walang Matinong Pangulo sa Hindi Makuntentong Pilipino

Walang matinong pangulo sa hindi makuntentong pilipino. Palagi na lang, sa tuwing hindi nasusunod o napagbibigyan ang mga kagustuhan ay nagpupunta sa kalsada at nagsasalita ng "walang kwenta ang ating gobyerno, walang ginagawa ang mga nasa pwesto. Mabuti pa noong panahon ni ganon, mas mura ang bilihin, kaunti ang nagugutom, marami ang may trabaho, blah blah blah. Ngayon, napakahirap ng buhay, dumarami ang mahihirap, dumarami ang nagugutom, dumarami din ang mga tanga na wala ng inisip kundi ang sarili nila." 

Ilang beses ko ng narinig yang mga salita na yan simula ng magkaisip ako at sa tuwing magpapalit ng pangulo. Kapag hindi nila nagustuhan ang performance eh gusto na agad palitan. Ginawa na nilang parang wallpaper at ringtone ang pagpapalit ng pangulo. Nawili na ata sa instant. 

Noong panahon ni dating Presidente Marcos madami ang nagagalit sa kanya dahil sa pagiging diktador.